Nabé risaca para Jehová voto ni runiné binni xheelaʼ ne qué racaláʼdxibe guilaacaʼ (Mt 19:5, 6). Ndaaniʼ xquidxi Jehová nuu stale guendaxheelaʼ ni nabani nayecheʼ. Nin ti guendaxheelaʼ qué zanda guiníʼ qué rapa guendanagana. Ora gápanu guendanagana, cadi guiníʼ íquenu jma galán nga gusabixheelanu o gaca divorciarnu. ¿Ximodo zanda gapa ca xpinni Cristu xquendaxheelacaʼ yaʼ?

Guidúʼyanu gaayuʼ conseju.

1. Gupa chaahuiʼ ladxidoʼloʼ, cadi guni coquetearluʼ ne bicaanáʼ entretenimientu ni cadi jneza. Qué racané diʼ ca cosa riʼ chuʼ xquendaxheelaluʼ nayecheʼ (Mt 5:28; 2Pe 2:14).

2. Biyubi chuʼluʼ jma gaxha de Jehová ne biʼniʼ stipa chúʼneluʼ xheelaluʼ galán casi modo riuulaʼdxiʼ Dios (Sl 97:10).

3. Bibani modo rusiidiʼ Dios ne guca nachaʼhuiʼ né xheelaluʼ ti chuʼbe nayecheʼ (Col 3:8-10, 12-14).

4. Cadi gusaana de guiníʼneluʼ o güíneluʼ xheelaluʼ diidxaʼ ne biʼniʼ respetar laabe (Col 4:6).

5. Bisihuinni cariñu ne guendarannaxhii xheelaluʼ ora gápatu relación sexual (1Co 7:3, 4; 10:24).

Ora runi respetar ti xpinni Cristu xheelaʼ la? cayuni respetar Jehová, ni gudixhestí guendaxheelaʼ.

DESPUÉ DE GÚʼYALUʼ VIDEU NI LÁʼ NAQUIIÑEʼ GUXÓʼÑENU SIN GUIDXÁGANU: GÚNINU GUIRÁʼ NI NEXHEʼ GACA LU TI CARRERA, ZANDA GUICÁBILUʼ CA PREGUNTA RIʼ:

• Neca nayecheʼ guzulú ti guendaxheelaʼ, ¿xi guendanagana ridxaagalúcabe?

• ¿Ximodo zanda gacané ca principiu ni zeeda lu Biblia ti guendaxheelaʼ ra ruluíʼ maʼ cará guendarannaxhii?

• ¿Xi conseju rudii Jehová ca ni maʼ bichaganáʼ?

• ¿Xi caquiiñeʼ guni ti hombre ne ti gunaa ni maʼ bichaganáʼ para guibánicaʼ nayecheʼ?