Ndaaniʼ Guidxilayú riʼ rusiidicabe ni jneza nga cadi jneza ne ni cadi jneza nga jneza (Is 5:20). Triste guininu ni, peru stale binni runi ni nanalaʼdxiʼ Jehová, tobi de laani nga chuulaʼdxiʼ ti gunaa stiʼ gunaa o chuulaʼdxiʼ ti hombre sti hombre. Zanda gucaa ca baʼduʼ scuela o xcaadxi binni ca xiiñinu gúnicaʼ ni rúnicabe. Peru ¿ximodo zanda gacanetu ca xiiñitu chuʼcaʼ listu para gudxiilucaʼ clase guendanagana riʼ yaʼ?

Lagusiidiʼ laacabe xi ná ca ley stiʼ Jehová (Le 18:3). Laga ziniisicabe, lagusiidiʼ laacabe xi ná Biblia de sexo (Dt 6:7). Laguiníʼ ique ndiʼ: «¿Ñee maʼ bisiideʼ ca xiiñeʼ hasta pabiáʼ zanda guidxíñacabe o cánacabe laacaʼ la? ¿Nánnacabe pabiáʼ risaca gácucabe lari jneza la? ¿Ñee nánnacabe cadi casi zeʼ tuuxa chuʼ ra nuucabe ora nuucabe stúbicabe la? ¿Nánnacabe xi gúnicabe ora guluíʼ tuuxa laacabe pornografía o guinabaʼ laacabe gúnicabe xiixa cosa malu la?». Pa gánnacabe guiráʼ ndiʼ dede ante, zalácabe de stale guendanagana (Pr 27:12; Ec 7:12). Pa gusíʼdinu ca xiiñinu zusihuínninu rusisácanu herencia ni maʼ bidii Jehová laanu (Sl 127:3).

DESPUÉ DE GÚʼYALUʼ VIDEU NI LÁʼ GUCUINU TI YOO NI GUNI HUANTAR. GÁPANU CA XIIÑINU DE «ENDA NADXABAʼ», ZANDA GUICÁBILUʼ CA PREGUNTA RIʼ:

• ¿Xiñee raca nagana para binni guiniʼné xiiñiʼ de sexo?

• ¿Xiñee caquiiñeʼ gusiniisinu ca xiiñinu «casi ná Jehová ne casi ná ca conseju stiʼ»? (Ef 6:4).

• ¿Xi guiráʼ huabee xquidxi Jehová para gacané ca ni napa xiiñiʼ? (w19.05 yaza 12).

• ¿Xiñee risaca cadi gusaana de guiníʼnetu o güínetu xiiñitu diidxaʼ ante guizaaca xiixa?