Nabé risácaluʼ para Jehová (Is 43:4). Gucanebe lii para gácaluʼ xhamígube ne chuʼluʼ ndaaniʼ xquídxibe. Cumu maʼ guca dedicarluʼ ne maʼ guyuunísaluʼ la? maʼ stiʼ Jehová lii. Nga runi zápabe lii ne zacanebe lii ora tídiluʼ ra jma nagana, ne zaquiiñebe xquídxibe para gusihuínnibe qué rusaana de gannaxhiibe lii (Sl 25:10).

Ora ridúʼyanu cayacané xquidxi Jehová ca hermanu ni cadiʼdiʼ lu desastre natural jma rusisácanu guendarannaxhii stiʼ.

DESPUÉ DE GÚʼYALUʼ VIDEU NI LÁʼ INFORME STIʼ COMITÉ DE COORDINADORES (2019), ZANDA GUICÁBILUʼ CA PREGUNTA RIʼ:

• ¿Ximodo racané Comité de Coordinadores ca sucursal ni nuu lu guidubi Guidxilayú para gánnacaʼ xi gúnicaʼ ora chuʼ ti emergencia?

• ¿Xi biʼniʼ xquidxi Jehová para gacané ne gudii instrucción ca hermanu de Indonesia ne Nigeria?

• ¿Xi jma ridxagayaaluʼ pur ni maʼ biʼniʼ xquidxi Jehová lu pandemia stiʼ COVID-19?