Nabé risaca cadi guiáʼdxanu reunión purtiʼ nácani parte de adoración ni rudiʼnu Jehová (Sl 22:22). Guiráʼ ca ni rié reunión para guni adorar Jehová nabé nayecheʼ riuucaʼ ne ricaacaʼ stale ndaayaʼ (Sl 65:4). Jma nagueenda runi progresar ca estudiante ca ora qué riaadxacaʼ reunión.

¿Ximodo zanda gacaneluʼ estudiante stiluʼ cheʼ reunión yaʼ? Ra cadi gusaana de guni invitarluʼ laabe. Biluíʼ laabe videu ni láʼ Ximodo raca ca guendaridagulisaa stidu ne bisiene xi zabeendube pa chebe (lff lección 10). Zanda gábiluʼ laabe xiixa ni biziidiluʼ ra reunión o guzeeteluʼ xi chiguizíʼdinu lu sti reunión ni chigápanu. Bidii estudiante stiluʼ ca publicación ni chiguiquiiñeʼ o biluíʼ laabe ra ná «Reuniones» ni nuu lu JW Library^®. Ne pa caquiiñeʼ chicaaluʼ laabe la? bíʼnini. Ora cheʼ estudiante stiluʼ reunión primé biaje zudiiluʼ cuenta pabiáʼ risaca guiráʼ stipa bíʼniluʼ para gacaneluʼ laabe (1Co 14:24, 25).

DESPUÉ DE GÚʼYALUʼ VIDEU NI LÁʼ GACANENU CA ESTUDIANTE STINU CADI GUIAADXACAʼ REUNIÓN, ZANDA GUICÁBILUʼ CA PREGUNTA RIʼ:

• ¿Ximodo biʼniʼ invitar Rita Coral para cheʼ reunión?

• ¿Xiñee guizáʼ riéchenu ora rié estudiante stinu reunión?

• ¿Ximodo biʼniʼ sentir Coral primé biaje guyé reunión?