Napa Stiidxaʼ Dios poder para guchaa xquendanabani binni (Heb 4:12). Peru qué zanda gacané ca principiu, conseju ne mandatu ni zeeda luni laanu pa qué chuʼnu seguru dxandíʼ «stiidxaʼ Dios» ni (1Te 2:13). Yanna, ¿ximodo guquídxinu fe stinu ora guidúʼndanu Biblia yaʼ?

Guidúʼndanu Biblia guiráʼ dxi. Ora guidúʼndanu ti ndaa de laani, guyúbinu xi ruluíʼ dxandíʼ peʼ zeeda ni de Jehová. Casi ora guidúʼndanu libru stiʼ Proverbios, zanda guidúʼyanu ximodo racané ca conseju stini laanu dede yanna (Pr 13:20; 14:30).

Guzulunu ti proyectu de estudiu. Naquiiñeʼ guiene chaahuinu ca prueba ni rusihuinni zeeda Biblia de Dios. Zanda iquiiñenu Ca tema ni huabee ca testigu stiʼ Jiobá, guyúbinu ra ná «Biblia», de racá ra ná «Dios guníʼ xi guicá luni». Laaca zanda gacané revista Torre stiʼ ni rapa, núm. 4 2016 laanu para iguidxi fe stinu ne gánnanu caʼruʼ guchaa ni rusiidiʼ Biblia.

DESPUÉ DE GÚʼYALUʼ VIDEU NI LÁʼ XIÑEE NÁPANU FE… STIIDXAʼ DIOS, ZANDA GUICÁBILUʼ CA PREGUNTA RIʼ:

• ¿Ximodo racané pader ni bidxélacabe ndaaniʼ templu stiʼ Karnak (Egipto) guni crenu dxandíʼ ni ná Stiidxaʼ Dios?

  Bicaa respuesta stiluʼ

• ¿Xi racané laanu gánnanu caʼruʼ guchaa ni rusiidiʼ Biblia?

  Bicaa respuesta stiluʼ

• ¿Xi rizíʼdinu ora gánnanu modo bilá Biblia para gápanu ni yanna? (Biindaʼ Isaías 40:8).

  Bicaa respuesta stiluʼ