Ni jma ribézanu ca xpinni Jehová cada iza nga dxi Conmemoración. Chupa chonna semana ante ne despué de Conmemoración ruyúbinu intiica oportunidad para gusisácanu Jehová ne gudiʼnu xquixe peʼ pur guti Jesús pur laanu (Ef 1:3, 7). Rúninu stipa guni invitarnu binni cheʼ Conmemoración. Nuu hermanu riguixhe chaahuicaʼ tiempu sticaʼ para gácacaʼ precursor auxiliar de 30 o 50 hora lu beeu marzo ne abril. ¿Ñuuláʼdxiluʼ ñuni predicarluʼ jma lu ca beeu riʼ la? ¿Xi zanda gúniluʼ yaʼ?

Pa quixhe chaahuiluʼ ni chigúniluʼ dede ante la? zabeenduluʼ ni galán (Pr 21:5). Mayaca ganda dxi Conmemoración, nga runi dede yanna maʼ zanda quixhe chaahuiluʼ xi chigúniluʼ. Guníʼ ique xi meta zanda ugaandaluʼ para ca dxi ca ne xi zanda gúniluʼ para ugaandaluʼ ni. De racá gunabaʼ Jehová uguu ndaayaʼ stipa gúniluʼ (1Jn 5:14, 15).

¿Xiruʼ zanda gúniluʼ para jma guni predicarluʼ ora maʼ zedadxiña Conmemoración yaʼ?