Iza riʼ zuzulú campaña riʼ 27 de febrero, ne zúninu stipa guni invitarnu guiráʼ binni nabeza neza ra lídxinu cheʼ ra chiguietenaláʼdxinu guendaguti stiʼ Cristu. Ne zadúʼyanu ximodo gacanenu cani riuulaʼdxiʼ cheʼ.

SICARÍʼ ZANDA GÚNILUʼ

«Cayuni invitardu lii cheluʼ ti guendaridagulisaa nabé risaca. Millón binni zadagulisaacaʼ lu guidubi Guidxilayú 23 de marzo para guietenaláʼdxicaʼ guendaguti stiʼ Jesucristu ne zucaadiágacaʼ ti libana ni biree lu Biblia sin quíxecaʼ. Libana riʼ zusiene ni ximodo racané guendaguti stibe laanu. Lu invitación riʼ cá paraa ne pora chigaca ni. Cabézadu lii».

Pa guluíʼ binni ca riuulaʼdxiʼ guiziidiʼ:

• BISAANANÉ LAABE TORRE STIʼ NI RAPA

  Biʼniʼ ti pregunta ni guicábiluʼ lu ti revisita.

• BILUÍʼ LAABE VIDEU STIʼ CONMEMORACIÓN

  Biʼniʼ sti pregunta ni guicábiluʼ lu sti revisita.

Ora chigánnaluʼ binni ca sti biaje:

• BILUÍʼ LAABE VIDEU NI LÁʼ XIÑEE NAQUIIÑEʼ GÚʼNDALUʼ BIBLIA

  Despué zanda gusaananeluʼ laabe xiixa publicación ni riquiiñenu para gudiʼnu estudiu.

• BISAANANÉ LAABE LIBRU XIPEʼ NDIʼ CUSIIDIʼ BIBLIA

  Biquiiñeʼ ni zeeda lu yaza 206 dede 208 stiʼ libru riʼ para gusiéneluʼ laabe caadxi cosa de Conmemoración. Despué bisaanané laabe libru ca.

• BISAANANÉ LAABE FOLLETU BICAADIAGA DIOS

  Biquiiñeʼ ni zeeda lu yaza 18 ne 19 para gusiéneluʼ laabe pabiáʼ risaca guendaguti stiʼ Cristu. Despué bisaanané laabe folletu ca.