CA TESORO ZEEDA LU BIBLIA | ISAÍAS 58-62
Güínenu binni de «iza culuíʼ Jiobá favor binni»
Cadi biaʼ rindaa ti iza ni runibiaʼnu nga «iza culuíʼ Jiobá favor binni»
61:1, 2
-
Laani nga ti tiempu ni cudii Jiobá ca binni nachaʼhuiʼ para guyúbicaʼ laabe ti guilacaʼ.
-
Lu primé siglu que, bizulú «iza culuíʼ Jiobá favor binni» lu iza 29, iza bizulú cayuni predicar Jesús, ne biluxe ni dxi biquixe Jiobá ni cayuni binni, lu iza 70, dxi binitilú Jerusalén.
-
Ca dxi stinu riʼ, «iza culuíʼ Jiobá favor binni» bizulú ni dxi guca Jesús Rey guibáʼ lu iza 1914 ne zaluxe ni lu gran tribulación.
Caguu Jiobá ndaayaʼ xquidxi ne «yaga naroʼbaʼ de justicia»
61:3, 4
-
Para gaca ti bosque la? ca yaga ni jma nasoo nuu lu Guidxilayú riroobaʼ cani juntu, zacá randa racanesaa cani.
-
Cumu gaxha zuhuaa cani la? riliibilisaa xcu cani, zacá rapa cani stipa ti cadi guiaba cani ora tiidiʼ ti tormenta.
-
Rapa bandáʼ sti ca yaga ni jma nasoo ca yaga ni jma nahuiiniʼ, ne raca bandaga ni rusaba cani abono.
Lu guidubi Guidxilayú nuuruʼ xcaadxi cristianu ungidu ni zeeda gaca casi «yaga naroʼbaʼ de justicia», laacabe racanécabe ne rápacabe ca hermanu ni nuu ndaaniʼ ca congregación.
