Zeeda gaca esperanza stinu casi ti ancla (Heb 6:19). Racané ni laanu para cadi gusaananu Dios ora tiidinu guendanagana ni zeeda gaca casi ti tormenta (1Ti 1:18, 19). Zanda guchaaganu tormenta riʼ né xiixa ni qué ñanda ñúninu, xiixa ni binítinu, ti guendahuará malu, ora gatiʼ tuuxa ni nadxiinu o intiica cosa ni zanda guxheleʼ laanu de Jiobá.

Racané fe ne esperanza riʼ laanu gúʼyanu xipeʼ nga chigudii Jiobá laanu (2Co 4:16-18; Heb 11:13, 26, 27). Nga runi, naquiiñeʼ guiníʼ íquenu lu ca promesa zeeda lu Biblia ti gaca esperanza stinu jma naguidxi, gastiʼ naca pa cabézanu chuunu guibáʼ o guibáninu lu Guidxilayú. Zacá qué zusaana de chuʼnu nayecheʼ neca gueeda intiica guendanagana luguianu (1Pe 1:6, 7).

GÚʼYASITU VIDEU NI LÁʼ «LAGUIECHENÉ ESPERANZA STITU», ZANDA GUICÁBITU CA PREGUNTA RIʼ:

• Xiñee galán ejemplu bisaana Moisés para laanu.

• Xi dxiiñaʼ naroʼbaʼ napa guiráʼ cani naca xaíque stiʼ ti familia.

• Xi xcaadxi tema zanda iquiiñeluʼ ora gápatu adoración en familia.

• Ximodo zanda gacané esperanza stiluʼ lii gudxiiluluʼ intiica guendanagana sin guireeluʼ gana.

• Xii nga ni jma racaláʼdxiluʼ gaca.