XIÑEE RISACA NI. Ni riníʼ ique binni zeeda gaca casi nisa ziáʼ, nga runi gúninu pregunta nga ti modo jma galán para cueʼnu ni nuu ndaaniʼ ladxidóʼ binni (Pr 20:5). Pa dede ante guiníʼ ique chaahuiluʼ xi guinabadiidxaluʼ ti binni la? zucaaluʼ laabe guicábibe ora maʼ caníʼneluʼ laabe. Laaca zacané ni lii gánnaluʼ xi riníʼ íquebe ne xi runi sentirbe. Jesús biʼniʼ pregunta jneza. ¿Ximodo zanda chinándanu ejemplu stibe yaʼ?

XIMODO GÚNILUʼ NI

• Biʼniʼ pregunta para gánnaluʼ xi riníʼ ique binni. Jesús biʼniʼ pregunta ni gucané laa ganna xi riníʼ ique ca discípulo stiʼ (Mt 16:13-16; be-S yaza 238 párr. 3-5). ¿Xi pregunta zanda gúniluʼ para gánnaluʼ xi riníʼ ique binni?

• Biʼniʼ pregunta ni gacané binni gudii ti respuesta jneza. Para gacané Jesús Pedro ganna cadi jneza ni caníʼ ique, gunabadiidxabe laa xiixa ra zanda guicabi chupa cosa, ne guʼyaʼ gunáʼ de laacani nga jma jneza (Mt 17:24-26). ¿Xi pregunta zanda gúniluʼ binni para ganda gacaneluʼ laa guicabi jneza yaʼ?

• Biʼniʼ felicitar laabe ora guicábibe. Ti dxi biʼniʼ felicitar Jesús ti escriba ora biʼyaʼ «jneza bicabi» (Mr 12:34). ¿Xi zanda gábiluʼ ti binni ni guicabi pregunta ni gúniluʼ laa yaʼ?

GÚʼYASITU PRIMÉ PARTE STIʼ VIDEU NI LÁʼ GÚNINU DXIIÑAʼ NI BIZULÚ CRISTU: GUSÍʼDINU STI BINNI, ZANDA GUICÁBITU CA PREGUNTA ZEEDA RARÍʼ:

• Neca biaʼsi información bisiene maestru ca binni ca, ¿xiñee cadi jneza modo cusiidibe?

• A parte de gusiénenu binni xiixa información, ¿xiruʼ caquiiñeʼ gúninu?

GÚʼYASITU GUIROPA PARTE STIʼ VIDEU RIʼ, ZANDA GUICÁBITU CA PREGUNTA ZEEDA RARÍʼ:

• ¿Xiñee zanda guininu jneza modo biʼniʼ hermanu riʼ ca pregunta stiʼ?

• A parte de gúninu pregunta, ¿xiruʼ zanda gúninu de ni biʼniʼ hermanu riʼ ora cusiidiʼ?