Precursor regular la? ¡Ya! Zuuyaluʼ pabiáʼ stale ndaayaʼ zacaaluʼ (Pr 10:22).

• Zaziidiluʼ gucheecheluʼ diidxaʼ jneza ne jma ziuuláʼdxiluʼ gúniluʼ ni.

• Jma zaca xhamíguluʼ Jiobá purtiʼ ra jma güíneluʼ binni de laabe, jma zietenaláʼdxiluʼ ca guenda sicarú stibe.

• Zadxátipa ladxidoʼloʼ purtiʼ nánnaluʼ cayúniluʼ xhiiñaʼ Reinu primé lu xquendanabániluʼ ne zuuyaluʼ pabiáʼ nayecheʼ riuu binni ora gusaana de guni ni riuulaʼdxiʼ para gacané xcaadxi (Mt 6:33; Hch 20:35).

• Zieluʼ reunión ni rapané superintendente de circuito ca precursor ora chiganna congregación stiluʼ, reunión especial ni raca ante asamblea de circuito ne Scuela stiʼ ca precursor regular.

• Zápaluʼ jma tiempu para guyúbiluʼ binni gúʼndaneluʼ de Biblia ne zápaluʼ tiempu chiguundaneluʼ laacaʼ.

• Jma zápaluʼ tiempu gucheecheneluʼ ca hermanu diidxaʼ ne uguusaatu gana laatu (Ro 1:11, 12).