Ruzúʼbanu stiidxaʼ Dios purtiʼ rialeni de ndaaniʼ ladxidoʼno (Pr 3:1). Nga runi, ora gusíʼdinu binni naquiiñeʼ gúninu stipa chindanu ndaaniʼ ladxidoʼcaʼ. ¿Ximodo zanda gúninu ni yaʼ?

Cadi naquiiñeʼ si gusiidiluʼ estudiante stiluʼ ni zeeda lu Biblia. Gucané laabe gúʼyabe ximodo zacané ni caziidibe laabe lu xquendanabánibe ne ximodo ziuube jma gaxha de Jehová. Gucané laabe guiénebe ximodo rusihuinni ca ley ni zeeda lu Biblia pabiáʼ nadxii Dios laanu, nachaʼhuiʼ ne runi ni jneza. Né diidxaʼ nadóʼ gunabadiidxaʼ laabe xiixa para guiníʼ íquebe ni caziidibe. Gucané laabe guiénebe zabánibe jma galán pa gusaanabe ca cosa ni nanalaʼdxiʼ Jehová. Ora gúʼyaluʼ pabiáʼ nadxii estudiante stiluʼ Jehová, guizáʼ ziécheluʼ.

DESPUÉ DE GÚʼYALUʼ VIDEU NI LÁʼ ZIUʼNU NAYECHEʼ RA GÚNINU DISCÍPULO. GUSÍʼDINU JMA JNEZA: CHINDANU LADXIDÓʼ BINNI, ZANDA GUICÁBILUʼ CA PREGUNTA RIʼ:

• ¿Xiñee gunabadiidxaʼ Rita Coral pa guníʼ ique ni biziidicabe martes que?

• ¿Ximodo gucané Rita Coral gudii cuenta rusihuinni ca ley stiʼ Jehová nadxii laabe?

• ¿Ximodo gucané Rita Coral gusihuinni nadxii Jehová?