Biblia ná guidúʼyanu ca hermanu huaniisi casi bixhózenu ne ca hermanu nahuiiniʼ casi bíʼchinu ne bizáʼnanu (biindaʼ 1 Timoteo 5:1, 2). Ne ca hermanu la? nabé risaca guni respetarcaʼ ca hermana.

Qué zuni coquetearné ti hermanu ti hermana ne qué zuni xiixa ni gusituí lube (Job 31:1). Qué zaguite ti hermanu solteru ca sentimientu stiʼ ti hermana soltera, ninca qué zucaabe laa guiníʼ ique racaláʼdxibe gaca xnóviobe laa pa cadi nga cá íquebe.

Caquiiñeʼ gucaadiaga ca ancianu ca hermana ora gúnicaʼ laacabe ti pregunta né respetu o gábicaʼ laacabe xiixa ni caquiiñeʼ guni tendércabe. Ne laaca racanécabe ca hermana ni qué gapa xheelaʼ (Rut 2:8, 9).

DESPUÉ DE GÚʼYALUʼ VIDEU NI LÁʼ GUSIHUÍNNINU GUENDARANNAXHII NDAANIʼ CONGREGACIÓN: CA VIUDA NE CA HUÉRFANO, ZANDA GUICÁBILUʼ CA PREGUNTA RIʼ:

• ¿Ximodo bisihuinni ca hermanu nadxiicaʼ hermana Myint?

• Pur bisihuinni ca hermanu nadxiicaʼ hermana Myint, ¿ximodo gucaneni ca xpecinu?

• ¿Ximodo gucané guendarannaxhii stiʼ ca hermanu que ca xiiñidxaapaʼ hermana Myint?

¿Ximodo zanda gusihuínniluʼ rizaaláʼdxiluʼ ca hermana de congregación stiluʼ?