Lu beeu septiembre zúninu stipa iquiiñenu folletu ¡Zanda guibániluʼ nayecheʼ! para guni ofrecernu estudiu guiráʼ binni. Beeu riʼ laaca zanda guni ca precursor auxiliar 30 hora. ¿Ximodo chigúninu campaña riʼ yaʼ?

• Primé biaje guinínenu binni. Biquiiñeʼ ni zeeda lu últimu yaza stiʼ folletu riʼ para gucuaaniluʼ interés stiʼ binni ne biʼniʼ stipa guluiʼluʼ laacabe ximodo ridúʼndanenu binni Biblia. Biguetaʼ yeganna ca binni ni racalaʼdxiʼ guiziidiʼ, casi ca revisita stiluʼ. Dede ca binni ni maʼ qué niná nicaa estudiu purtiʼ zándaca yanna né folletu nacubi riʼ jma ziuuláʼdxicabe modo rudiʼnu estudiu. Qué zusaananu folletu riʼ ra qué guidxélanu binni ne laaca qué zuséʼndanu ni pur carta ra nuu binni ni qué guluíʼ interés. Laaca zanda quixhe Comité de Serviciu stiʼ Congregación xcaadxi horariu para chiguni predicar ca publicador.

• Sti modo zanda gúninu ni. Pa runi predicar congregación stitu né carruhuiiniʼ la? laiquiiñeʼ cartel stiʼ folletu ¡Zanda guibániluʼ nayecheʼ! para gucaatu lu carruhuiiniʼ ca. Pa cayuulaʼdxiʼ ti binni folletu riʼ bisiene laabe ximodo rusíʼdinu binni de lu Biblia sin quixe o biaanané laabe sti dxi para gusiéneluʼ laabe ximodo rusíʼdinu binni. Laaca zanda guinabaʼ superintendente de serviciu caadxi publicador de experiencia chiguni ofrecercaʼ estudiu binni lu ca negocio nuu lu territorio stitu. Ne pa guni predicarluʼ de manera informal, cadi guiaandaʼ lii guni ofrecerluʼ estudiu ca ni runineluʼ dxiiñaʼ o xcaadxi binni.

Bisaanané Jesús laanu dxiiñaʼ de gúninu discípulo ne gusíʼdinu laacaʼ (Mt 28:19, 20). Ribézadu gacané campaña especial riʼ laatu para guidxélatu jma estudiu.