Racalaʼdxiʼ Jehová chuʼ ca familia ca nayecheʼ (Sl 127:3-5; Ec 9:9; 11:9). Cumu nuu biaje, ridxaagalunu guendanagana ni riguu laanu xizaa o zándaca gúninu xiixa ni cadi jneza la? qué randa riuu familia stinu nayecheʼ. Yanna, ¿xi zanda guni cada tobi de laanu para chuʼ familia stinu nayecheʼ yaʼ?

Ti hombre ni nadxii xheelaʼ la? rusisaca xheelaʼ (1Pe 3:7). Ribee tiempu para laabe, qué ribeza guni xheelaʼ jma de ni qué zanda guni, sínuque rudii xquixe peʼ xheelaʼ pur guiráʼ ni runi pur laabe ne pur familia stícabe (Col 3:15). Rusisácabe xheelabe ne rábibe laa pabiáʼ nadxiibe laa (Pr 31:28, 31).

Ti gunaa ni nadxii xheelaʼ la? Runi stipa gacané xheelaʼ (Pr 31:12). Ruzuubaʼ stiidxaʼ xheelaʼ ne qué riguicheruaa (Col 3:18). Riníʼ né diidxaʼ nadóʼ ne qué riníʼ mal de xheelaʼ nezalú xcaadxi (Pr 31:26).

Ca ni nadxii xiiñiʼ la? ribeecaʼ tiempu para laacabe (Dt 6:6, 7). Rábicabe ca xiiñicabe nadxiicabe laacaʼ (Mt 3:17). Riguu jnézacabe ca xiiñicabe ora caquiiñeʼ ca ni ne rúnicabe ni né guendarannaxhii (Ef 6:4).

Ca ni nadxii bixhoze ne jñaa la? ruzuubacaʼ stiidxaʼ bixhózecaʼ ne jñaacaʼ ne rusisácacaʼ laacabe (Pr 23:22). Rábicaʼ laacabe ni cazaacacaʼ ne ni runi sentircaʼ. Rinacaʼ uguu jneza bixhózecaʼ ne jñaacaʼ laacaʼ ne rusihuínnicaʼ nápacaʼ respetu laacabe (Pr 19:20).

DESPUÉ DE GÚʼYALUʼ VIDEU NI LÁʼ XIMODO ZANDA GÁPANU TI FAMILIA NAYECHEʼ, ZANDA GUICÁBILUʼ PREGUNTA RIʼ:

¿Xi biʼniʼ cada tobi de laacabe para gunda guyuu familia stícabe nayecheʼ?