Runi ca superintendente de circuito ne xheelacaʼ stale sacrificiu lu xhiiñaʼ Jehová para ganda chuʼnu galán ne rúnicabe ni purtiʼ nadxiicabe laanu. Peru cásica laanu la? nuu biaje runi sentírcabe maʼ bidxágacabe, rireecabe gana o riuucabe xizaa (Snt 5:17). Neca zacá guiráʼ semana riguucabe gana ca hermanu ni nuu ndaaniʼ ca congregación ni rigánnacabe. Nga runi, galán guni respetarnu ca superintendente de circuito de guidubi ladxidoʼno (1Ti 5:17).

Yeganna apóstol Pablo ca hermanu ni nuu ndaaniʼ congregación de Roma para gábibe laacaʼ diidxaʼ ni guquidxi fe sticaʼ ne laaca cuʼbe gana laacaʼ ne cuʼcaʼ gana laabe (Ro 1:11, 12). ¿Ñee huaníʼ íqueluʼ cuʼluʼ gana ca hermanu de circuito o xheelacaʼ la?

DESPUÉ DE GÚʼYALUʼ VIDEU NI LÁʼ NI RUNI TI SUPERINTENDENTE DE CIRCUITO ORA RIGANNA TI CONGREGACIÓN NI NUU NDAANIʼ TI GUIDXIHUIINIʼ, ZANDA GUICÁBILUʼ CA PREGUNTA RIʼ:

• ¿Xi sacrificiu runi ca hermanu de circuito ne xheelacaʼ pur nadxiicabe congregación?

  Bicaa respuesta stiluʼ

• ¿Ximodo huayacané ca hermanu riʼ lii?

  Bicaa respuesta stiluʼ

• ¿Xi zanda gúninu para cuʼnu gana laacabe?

  Bicaa respuesta stiluʼ