XIÑEE RISACA NI. Ora guni estudiarnu stúbinu racané ni para guiene chaahuinu Stiidxaʼ Dios, zeeda gaca ni casi ora ñénenu pabiáʼ «nalaga, ziuulaʼ, nasoo ne gueteʼ» xiixa (Ef 3:18, TNM). Laaca racané ni laanu para cadi guicá ca cosa malu runi binni guidxilayú, ne ganda guinaaze dxiichinu diidxaʼ ni rudii guendanabani (Flp 2:15, 16). Zanda cuinu guni estudiarnu xiixa tema de lu Stiidxaʼ Dios ni peʼ caquiiñenu. ¿Ximodo zanda iquiiñenu tiempu stinu jneza para guidúʼndanu ne guni estudiarnu Biblia yaʼ?

XIMODO GÚNILUʼ NI

• Zanda guni subrayarluʼ caadxi versículo ne gucaaluʼ nota lu Biblia ni riquiiñeluʼ para guni estudiarluʼ, zanda gaca ni lu guiʼchiʼ, tableta o celular.

• Bicabi ca pregunta riʼ: «Tu laa», «xi», «paraa», «padxí», «ximodo», ne «xiñee», ora maʼ cayuundaluʼ.

• Biyubi gánnaluʼ xi guiráʼ bizaaca. Zanda guyúbiluʼ información pur tema o pur versículo, para gúniluʼ ndiʼ zanda iquiiñeluʼ ca herramienta ni nápanu para guni investigarnu.

• Biʼniʼ meditar lu ni cayuundaluʼ para gúʼyaluʼ ximodo zanda gacané ni lii lu xquendanabániluʼ.

• Gúninu ni cazíʼdinu de lu Stiidxaʼ Dios lu xquendanabáninu (Lu 6:47, 48).

DESPUÉ DE GÚʼYALUʼ VIDEU NI LÁʼ ORA GUNI ESTUDIARNU STÚBINU RACANÉ NI LAANU PARA GUINAAZE DXIICHINU STIIDXAʼ DIOS, ZANDA GUICÁBILUʼ CA PREGUNTA RIʼ:

• ¿Ximodo ruuyaʼ caadxi hermanu guni estudiarcaʼ stúbicaʼ?

• ¿Xiñee caquiiñeʼ guni orarnu ante guzulú guni estudiarnu?

• ¿Xi zanda gacané laanu guiénenu chaahuinu ti relatu zeeda lu Biblia?

• ¿Xi tipu marca zanda gucaʼnu lu Biblia ni riquiiñenu para guni estudiarnu?

• ¿Xiñee nabé risaca guni meditarnu ora maʼ cayuni estudiarnu Stiidxaʼ Dios?

• ¿Xi caquiiñeʼ gúninu né guiráʼ ni cazíʼdinu?