Ante guicaanu intiica decisión, gastiʼ naca pa ti decisión naroʼbaʼ o pa nahuiiniʼ ni, ¿ñee rinabadiidxanu xi zaníʼ ique Jiobá de laani la? Neca peʼ qué zanda gánnanu xi guiráʼ nuu ndaaniʼ xquendabiaaniʼ Jiobá, peru lu Stiidxabe rabi laanu ni caquiiñeʼ gánnanu para ganda gúninu intiica si «dxiiñaʼ galán» (2Ti 3:16, 17, TNM; Ro 11:33, 34). Jesús la? biene chaahuiʼ xi racalaʼdxiʼ Jiobá guni, ne bíʼnibe ni primé lu xquendanabánibe (Jn 4:34). Cásica Jesús, laanu laaca caquiiñeʼ gúninu stipa pur gúninu guiráʼ ni riuulaʼdxiʼ Jiobá (Jn 8:28, 29; Ef 5:15-17).

DESPUÉ DE GÚʼYALUʼ VIDEU NI LÁʼ CADI GUSAANA DE GUIDUʼYAʼ CHAAHUINU XII NGA NI RACALAʼDXIʼ JIOBÁ (LE 19:18), ZANDA GUICÁBILUʼ CA PREGUNTA RIʼ:

• ¿Xiñee caquiiñeʼ chinándanu ca principiu stiʼ Biblia lu xquendanabáninu?

• ¿Xi ca principiu zeeda lu Biblia naquiiñeʼ guietenaláʼdxinu ora cuinu xi clase de música gucaʼdiáganu?

• ¿Xi ca principiu zeeda lu Biblia naquiiñeʼ guietenaláʼdxinu ora cuinu xi clase lari gácunu ne ximodo guzuchaahuinu?

• ¿Ximódoruʼ zanda chinándanu ca principiu stiʼ Biblia lu xquendanabáninu?

• ¿Ximodo zanda guiene chaahuinu xii nga ni racalaʼdxiʼ Jiobá gúninu?