¿Xiñee caquiiñeʼ cuí chaahuinu ca cosa ni gaca divertirnenu yaʼ? Purtiʼ ora cuinu ti película, ti canción, xiixa sitiu de Internet, ti libru o ti videojuegu, cabinu xii nga ca cosa ni chinduʼnu ndaaniʼ íquenu. Ca decisión ni guicaanu rusihuinni cani ximodo laanu ne xi ca cosa riuuláʼdxinu gúninu. Triste guininu ni, peru stale de ca diversión ni nuu yanna riʼ napa cani cosa ni qué riuulaʼdxiʼ Jiobá (Sl 11:5; Gál 5:19-21). Nga runi Biblia caguu gana laanu guiníʼ íquenu ca cosa ni gusisaca Jiobá (Flp 4:8).

DESPUÉ DE GÚʼYALUʼ VIDEU NI LÁʼ ¿XI ZANDA IQUIIÑEʼ PARA GACAʼ DIVERTIR?, ZANDA GUICÁBILUʼ CA PREGUNTA RIʼ:

• ¿Xiñee zanda guchaaganu modo gudinde ca gladiador ni guyuu guidxi Roma dxiqué né caadxi diversión ni nuu yanna?

• ¿Ximodo zanda gacané ca hermanu de congregación ca joven cuí chaahuicaʼ diversión sticaʼ?

• ¿Ximodo racané Romanos 12:9 laanu para cuinu ca diversión stinu?

• ¿Xii nga ca diversión riuulaʼdxiʼ Jiobá nuu neza ra lídxinu ni zanda gúninu?