CA TESORO ZEEDA LU BIBLIA | SALMOS 45-51
Qué ziuu dxi gucaanáʼ Jiobá tuuxa gaca arrepentir de guidubi ladxidóʼ
Bicaa David Salmo 51 despué de guluu jneza Natán laa dxi bichee ra guyuuné Batseba. Nabé bichiiñaʼ xquendabiaaniʼ David laa, ne qué nudxiibaʼ laca laa purtiʼ guníʼ xi biʼniʼ (2Sa 12:1-14).
Neca bichee David, zanda chuʼ galán nezalú Dios sti biaje
51:3, 4, 8-12, 17
-
Ante gaca arrepentirbe ne guiniʼbe xi bíʼnibe, nabé bichiiñaʼ xquendabiaanibe laabe ne biʼniʼ sentirbe qué risácabe.
-
Nabé gucaná ladxidoʼbe pur bicheenebe Dios ne biʼniʼ sentirbe casi ora ñacadé dxita ládibe.
-
Guizáʼ maʼ racaláʼdxibe guni perdonar Jiobá laabe, guibiguétabe ra nuu ne chuʼbe nayecheʼ sti biaje.
-
Biinabe lú Jiobá ora gunábabe laa gacané laabe guiale de ladxidoʼbe guzuubabe diidxaʼ.
-
Nánnabe zuni perdonar Jiobá laabe.
