CA TESORO ZEEDA LU BIBLIA | SALMOS 34-37
Gupa confianza Jiobá ne biʼniʼ ni jneza
Cadi gapuʼ envidia cani qué runi ni jneza
37:1, 2
-
Cadi gudiiluʼ lugar gucueeza modo nabani ca binni malu lii de gúniluʼ xhiiñaʼ Jiobá, ruluíʼ galán nuuca peru ti tiempu si ni. Bicaa ique cani racaláʼdxiluʼ ugaandaluʼ ne ca ndaayaʼ cudii Jiobá lii.
Gupa confianza Jiobá ne biʼniʼ ni jneza
37:3
-
Gupa confianza zapa Jiobá lii ora nuu ni naguu xizaa lii ne ora huaxiéʼ cayéneluʼ xiixa. Laabe zacanebe lii ti cadi gusaanaluʼ laabe.
-
Cadi gusaanaluʼ de gucheecheluʼ ca diidxaʼ nacubi ne galán stiʼ Reinu stiʼ Dios.
Guyuu nayecheʼ ora guʼnuʼ ni na Jiobá
37:4
-
Gulee tiempu para gúʼndaluʼ Stiidxaʼ Dios ne guníʼ ique lu ni gúʼndaluʼ para gunibiáʼ chaahuiluʼ Jiobá.
Gunabaʼ Jiobá gabi lii modo saluʼ lu neza stiluʼ
37:5, 6
-
Gunna dxichi zacané Jiobá lii gudxiiluluʼ intiica guendanagana.
-
Gupa xpiaʼluʼ ora guiníʼcabe mal de lii para guninácabe lii, ora gucaalúcabe lii ne ora sanándacabe lii.
Cadi guiniʼluʼ nezalú Jiobá ne bisihuinni dxandíʼ cabézaluʼ laabe
37:7-9
-
Cadi guʼnuʼ xiixa sin guiníʼ íqueluʼ ante ti cadi gusaana de chuʼluʼ nayecheʼ ne gusaana de gaca xhamíguluʼ Jiobá.
Peru cani nadóʼ zacaacaʼ guidxilayú
37:10, 11
-
Biʼniʼ stipa cadi guidxiichiluʼ nagueenda ne gácaluʼ nadóʼ, ne gupa confianza zacané Jiobá lii para gudxiiluluʼ intiica cosa ni cadi jneza cayúnicabe lii.
-
Gucané ca hermanu stinu ne gudixhedxí ladxidóʼ cani nuu triste ora gábiluʼ laacaʼ maʼ cadi candaa zaca cani naguixhe ique Dios guni lu Guidxilayú riʼ.
Stale ndaayaʼ zedané Reinu stiʼ Cristu
