Ni guʼyaʼ binni ne ni gucaadiaga lu ca videu ca rindá ni ndaaniʼ ladxidoʼcaʼ. Nga racané binni gucaadiaga ne cadi gusiaandaʼ xiixa información nagueenda. Ne Jiobá huaguixhe ti ejemplu galán para laanu ra huaquiiñeʼ ca cosa ni ruuyaʼ binni para gusiidiʼ (Hch 10:9-16; Ap 1:1).

Ca videu ni láʼ Ñee napa Dios lá la?, , Tu guníʼ xi guicá lu Biblia ne Xiñee zanda guni crenu dxandíʼ ni rusiidiʼ Biblia cusiene cani jma de ndaa 2 ne 3 stiʼ folletu Ca diidxaʼ sicarú ni zeeda de Dios. Ca videu ni láʼ Xiñee naquiiñeʼ gúʼndaluʼ Biblia, Ximodo ridúʼndanedu binni Biblia ne Ximodo raca ca guendaridagulisaa stidu zaguu cani gana binni guni estudiárnenu laacaʼ ne checaʼ guendaridagulisaa. Ne zanda guluinu tobi de ca videu riʼ binni ora maʼ cadúʼndanenu laacaʼ de Biblia (km 5/13 yaza 3).

• Dede ante gundeteʼ videu ni racaláʼdxiluʼ guluiʼluʼ binni.

• Guníʼ ique dede ante xi zanda guinabadiidxaluʼ binni ne gaca ni xiixa ni zeeda respuesta stiʼ lu videu ca.

• Laguuyaʼ videu ca juntu.

• Laguiníʼ de cani jma rieeteʼ luni.

• Gucuaa intiisi tratadu ne biluíʼ binni deche ni ra zeeda códigu ni cuseendaʼ lu videu Xiñee naquiiñeʼ gúʼndaluʼ Biblia.

• Biluíʼ binni videu ni láʼ Xiñee zanda guni crenu dxandíʼ ni rusiidiʼ Biblia ne bisaanané laabe folletu Ca diidxaʼ sicarú ni zeeda de Dios. Bisiene ndaa 3 stini.