XIÑEE RISACA NI. Casi rizaaca né stale cosa, ca red social ca zanda gacané cani o guniná cani laanu. Caadxi xpinni Cristu maʼ biʼniʼ decidir cadi iquiiñeʼ cani, ne xcaadxi riquiiñeʼ cani para si guiníʼnecaʼ familia sticaʼ ne ca xhamígucaʼ. Peru ni racalaʼdxiʼ Binidxabaʼ nga iquiiñenu cani para guiaananu mal nezalú xcaadxi ne guixélenu de Jiobá. Ni zanda gacané laanu nga ca principiu ni zeeda lu Biblia para guidúʼyanu ne guni evitarnu intiica peligru, casi biʼniʼ Jesús (Lu 4:4, 8, 12).

CA PELIGRU STINI

• Gunítinu stale tiempu. Pa gunítinu stale tiempu lu ca red social ne lu Internet zanda gaxha cani laanu tiempu ni ñanda niquiiñenu para ñúninu ni ná Dios.

  Principiu stiʼ Biblia: (Ef 5:15, 16; Flp 1:10)

• Guidúʼyanu cosa ni cadi jneza. Pa guidúʼyanu imagen ni cadi jneza zanda guiábanu lu viciu de guidúʼyanu pornografía ne guiábanu lu inmoralidad sexual. Guidúʼndanu xiixa información stiʼ ca apóstata zanda gusirá ni fe stinu.

  Principiu stiʼ Biblia: (Mt 5:28; Flp 4:8)

• Guni publicarnu comentariu o gudxíʼbanu foto ni cadi jneza. Ladxidoʼno zanda quiteʼ laanu, nga runi zándaca gucaa ni laanu guni publicarnu xiixa comentariu o gudxíʼbanu foto ni cadi jneza lu ca red social. Pa gúninu ca ndiʼ la? zándaca guniná cani laanu ne guiaananu mal nezalú binni o guniná cani fe stiʼ xcaadxi.

  Principiu stiʼ Biblia: (Ro 14:13; Ef 4:29)

GÚʼYASITU VIDEU NI LÁʼ GUYUU CUIDADU PA IQUIIÑELUʼ RED SOCIAL, GUNÍʼ IQUE XIMODO ZANDA GUNI EVITARLUʼ CA COSA RIʼ: