Guiranu caquiiñeʼ chinándanu ejemplu sti’ Jesús, jmaruʼ si ora cadídinu lu guendanagana o canazanándacabe laanu (1Pe 2:21-23). Qué niníʼ Jesús gastiʼ ora guluudícabe laa, dede nin ora cayuninácabe laa (Mr 15:29-32). ¿Xi gucané laabe para biʼniʼ huantarbe yaʼ? Maca gudixhe íquebe gúnibe ni ná Jiobá (Jn 6:38). Ne laaca purtiʼ nánnabe «nabé zieche be ora ma udiʼdi be ni» (Heb 12:2).

¿Xi rúninu ora chuʼ tu guniná laanu pur cani runi crenu? Ca xpinni Cristu qué ruquíxenu ni guni binni laanu (Ro 12:14, 17). Ora guni huantarnu ca guendanagana ni ridídinu casi biʼniʼ Jesús la? ziuʼnu nayecheʼ purtiʼ cayúninu ni ná Dios (Mt 5:10-12; 1Pe 4:12-14).

GÚʼYASITU VIDEU NI LÁʼ GÁSTIRUʼ STI COSA JMA RISACA QUE LÁ JIOBÁ, ZANDA GUICÁBITU CA PREGUNTA RIʼ:

• ¿Ximodo biquiiñeʼ hermana Poetzinger tiempu stiʼ dxi biseguyoocabe laa?

• ¿Xi guendanagana biʼniʼ huantar hermanu ne hermana Poetzinger lu ca campu de concentración ra guyuucabe?

• ¿Xi gucané laacabe para biʼniʼ huantárcabe?