MODO GUSÍʼDINU JMA JNEZA
Modo gucheecheluʼ diidxaʼ jma jneza: Gudixhe chaahuiʼ presentación stiluʼ para gusaananeluʼ binni revista
XIÑEE RISACA GÚNILUʼ NI: Neca nabé racané ca presentación zeeda lu Ni chigaca lu reunión laanu para gusaananu ca publicación ca, ti ejemplu si cani. Cadi zacapeʼ nga naquiiñeʼ guininu. Zándaca gadxé modo gacaláʼdxiluʼ guiniʼluʼ de tema ca, o guiniʼluʼ sti tema ni jma riuulaʼdxiʼ binni lu territorio stiuʼ. Pa zacá ni la? biindaʼ revista ca primeru, biiyaʼ ca presentación zeeda lu guiʼchiʼ riʼ ne biiyaʼ ca videu stiʼ ca presentación ca, óraca yenanda cani chiguzéʼtenu riʼ para gúniluʼ presentación stiluʼ.
XIMODO ZANDA GÚNILUʼ NI:
Ñee zaquiiñeluʼ tobi de ca presentación zeeda lu guiʼchiʼ riʼ la?
YA
-
Gudixhe chaahuiʼ xi guiniʼluʼ primeru ora ugapadiúxiluʼ binni ca ne gaʼbuʼ laa xi pur zigánnaluʼ laa. (Ejemplu: «Zedagannaʼ lii purtiʼ...»).
-
Guníʼ ique ximodo gúʼndaneluʼ laabe textu zeeda lu Biblia despué de guinabadiidxaluʼ laabe, ne ximodo gusaananeluʼ laabe publicación ca despué de gúʼndatu textu ca. (Sicaríʼ zanda guiniʼluʼ para gúʼndaneluʼ laabe ti textu de lu Biblia: «Biiyaʼ xi rusiidiʼ Biblia»).
COʼ
-
Gulí ti tema stiʼ ca revista ca ni chuulaʼdxiʼ binni nabeza lu territorio stiluʼ.
-
Guníʼ ique ti pregunta ni gucaa binni ca guicabi, ti guiníʼ ora maʼ caníʼneluʼ laa, peru cadi guinabadiidxuʼ laabe pa qué nabe guiniʼbe. (Ejemplu: biquiiñeʼ pregunta ni zeeda lu yaza 2 stiʼ ca revista ca).
-
Biyubi ti versículo stiʼ Biblia ne biindaʼ ni. (Maʼ lii guʼyuʼ pa guʼnuʼ ni ora gusaanuʼ revista ¡Despertad!, purtiʼ revista riʼ gúcani para binni ni huaxiéʼ nanna de Biblia o qué gapa confianza ca religión ca).
-
Gudixhe chaahuiʼ caadxi diidxaʼ para gaʼbuʼ laabe paraa zanda gacané tema ca laabe.
INTIICA GUICÁBILUʼ
-
Gudixhe chaahuiʼ ti pregunta ni guicábiluʼ ora chigánnaluʼ laabe sti biaje.
-
Bicaa cani racaláʼdxiluʼ gábiluʼ laabe ora chigánnaluʼ laabe sti biaje.
