MODO RÚNINU XHIIÑAʼ DIOS
Ximodo iquiiñenu folletu Bicaadiaga Dios
Lu folletu Bicaadiaga Dios zeeda dibuju ni zanda iquiiñenu para gusiénenu cani dxandíʼ zeeda lu Biblia ca binni ni raca nagana para laacaʼ guiénecaʼ ni ruundacaʼ. Cada ndaa stini napa chupa yaza ne maca zeeda xi orden napa cada dibuju.
Folletu Bicaadiaga Dios ne qué ziuu dxi gátiluʼ laaca napa ni ca dibuju zeeda lu folletu Bicaadiaga Dios, peru jma stale diidxaʼ zeeda luni. Ca binni nanna guʼndaʼ zanda guni estudiárnenu laacaʼ folletu riʼ. Ne laaca laani nga riquiiñeʼ ca publicador, neca iquiiñeʼ estudiante ca folletu Bicaadiaga Dios. Nuu yaza stini né ti recuadru ni zanda gúʼndaneluʼ binni.
Zanda iquiiñeluʼ ca folletu riʼ, neca cadi laacani cusaananenu binni beeu ca. Ora maʼ cayúniluʼ estudiu, biquiiñeʼ ca dibuju stini para gusiéneluʼ ni zeeda lu Biblia. Biʼniʼ pregunta binni ni cudiiluʼ estudiu para gánnaluʼ pa cayénebe lii. Biindaʼ ne bisiene textu ni zeeda ra riluxe cada yaza. Ora maʼ biluxe biindatu folletu riʼ, zanda gúʼndatu libru Xipeʼ ndiʼ cusiidiʼ Biblia para gacaneluʼ estudiante stiluʼ ne ganda chúʼnisa.