MODO RÚNINU XHIIÑAʼ DIOS
Gucané familia stiluʼ cadi gusiaandaʼ Jiobá
Gucuaa Jeremías dxiiñaʼ de cheʼ ra nuu ca judíu para gabi laacabe zunitilú Jiobá laacabe pur bisiaandacabe laa (Jer 13:25). Xiñee bixeleʼ guidxi riʼ de Jiobá yaʼ. Ca familia israelita maʼ qué nizaaláʼdxica ñuucaʼ gaxha de Jiobá, purtiʼ cani napa xiiñiʼ maʼ qué ninándacaʼ mandatu ni zeeda lu Deuteronomio 6:5-7.
Ca dxi riʼ, racané ca familia nuu naguidxi en sentidu espiritual para chuʼ ca congregación tobi si. Cani napa xiiñiʼ naquiiñeʼ chinándacaʼ ti programa de adoración en familia para gacanecaʼ laacabe cadi gusiaandacabe Jiobá (Sl 22:27). Despué de gúʼyatu videu Estas palabras tienen que estar en tu corazón: Entrevistas a familias, zanda guicábitu ca pregunta riʼ:
-
Xi huayuni caadxi familia ti cadi chuʼ ni gucueeza laaca de gápacaʼ adoración en familia.
-
Xi maʼ guleendú ca familia ni rinanda ti programa de adoración en familia.
-
Gunáʼ nga ca guendanagana ni zanda gucueeza naa para guneʼ adorar Jiobá né familia stinneʼ, ne xi caníʼ iqueʼ guneʼ para gudxieeluáʼ cani.