• Bicaa dirección stiluʼ. Pa raʼbuʼ cadi jneza gudiiluʼ ca datu stiluʼ la? zanda guinábaluʼ permisu ca ancianu para gucaaluʼ dirección stiʼ Yoo stiʼ Reinu. Peru, QUÉ CHUʼ HORA gudiiluʼ dirección stiʼ sucursal.

• Pa nánnaluʼ lá binni ca la? bicaa ni. Zacá qué zaníʼ íquebe xiixa publicidad ni.

• Yenanda norma stiʼ ortografía, gramática ne puntuación. Biʼniʼ stipa pur guihuinni carta stiluʼ nayá ne ordenadu. Pa lu naluʼ gucaaluʼ ni la? biʼniʼ stipa gucaaluʼ galán ti guiénecabe letra stiluʼ. Modo gucaaluʼ carta riʼ cadi gaca ni tan formal ni demasiadu informal.

Lu carta modelo riʼ, zanda gúʼyaluʼ guiráʼ ca sugerencia ni maʼ bizéʼtenu. Ora chigucaaluʼ ti carta ra nuu tuuxa ni nabeza lu territorio stiluʼ, cadi guni copiarluʼ ni zeeda lu carta riʼ diidxaʼ pur diidxaʼ. Ora gucaaluʼ ni, cadi guiaandaʼ lii circunstancia ne costumbre stiʼ binni de lugar ca, ne xi racaláʼdxiluʼ guni binni ora guʼndaʼ ni.