Guiráʼ iza raca ti campaña especial para guni invitarnu binni cheʼ dxi rietenaláʼdxinu guendaguti stiʼ Cristu. Stale de ca binni cheʼ dxi riʼ qué runibiaʼnu laacaʼ. Peru laaca naquiiñeʼ guni invitarnu ca binni runibiaʼnu. Zándaca jma nagueenda cheʼ ti binni pa guni invitar tuuxa ni runibiáʼ laa (yb08-S yaza 11 párr. 3; yaza 14 párr. 1). ¿Tu laa zanda guni invitarnu yaʼ?

• Ca familia stinu.

• Ca compañeru de dxiiñaʼ o de ra scuela stinu.

• Ca vecinu stinu.

• Ca revisita stinu, ca binni rudiʼnu estudiu o ca ni bidiʼnu estudiu dxiqué.

Ca ancianu laaca zúnicaʼ stipa guni invitarcaʼ ca inactivu. ¿Laga pa nuuluʼ guni invitarluʼ ti binni nabeza zitu de ra nabézaluʼ yaʼ? Zanda guyúbiluʼ ti lugar gaxha de ra lídxibe ra chigaca Conmemoración. Zanda cheluʼ lu pestaña ni láʼ TU LAADU ni nuu lu sitiu jw.org ne bidii clic ra ná «Guietenaláʼdxinu guendaguti stiʼ Cristu». Laga guedandá dxi nabé risaca riʼ, guníʼ ique tu guiráʼ zanda guni invitarluʼ ne biʼniʼ ni.