Nabé especial últimu Pascua biʼniʼ Jesús. Cumu mayaca gátibe la? nápabe gana guninebe ca apóstol stibe Pascua ne raqué quíxhebe gaca Guendaroxhí stiʼ Señor. Ngue runi gunábabe Pedro ne Juan guni prepararcaʼ ti lugar para gúnicabe Pascua (Lu 22:7-13; biiyaʼ imagen ni zeeda lu portada). Ndiʼ rusihuinni caquiiñeʼ chuʼnu listu para Conmemoración ni chiguiaba 27 de marzo. Para dxi ca la? maʼ gulícabe tu chigudii discursu, maʼ nuu pan ne vinu ne xcaadxi cosa ni chiguiquiiñeʼ. Peru ¿xi caquiiñeʼ guni cada tobi de laanu para chuʼnu listu dxi riʼ yaʼ?

Cuʼnu listu ladxidoʼno. Guidúʼndanu ne guiníʼ íquenu biaʼ ra maʼ nexheʼ guiuundaʼ Biblia para Conmemoración. Zadxélanu programa ca lu folletu Guidúʼndanu Stiidxaʼ Dios guiráʼ dxi. Ne laaca zeeda sti programa lu folletu Ni zacané lii guiéneluʼ Stiidxaʼ Dios ne lu Xhiiñaʼ Dios stiʼ abril 2020. Pa racaláʼdxiluʼ guni estudiárneluʼ familia stiluʼ xiñee nabé risaca ni biʼniʼ Jehová pur laanu la? zadxélaluʼ jma información lu Índice de las publicaciones Watch Tower ne lu Ca tema ni huabee ca testigu stiʼ Jiobá.

Guni invitarnu xcaadxi. Gúninu stipa para guni invitarnu binni lu campaña ni chigaca para Conmemoración. ¿Tu zanda guni invitarnu yaʼ? Zanda guni invitarnu ca revisita stinu, ca ni bidiʼnu estudiu dxiqué, ca familia stinu o ca inactivu. Ne pa tuuxa cadi nabeza gaxha de ra nabézanu, zanda guyúbinu paraa ne pora chigaca Conmemoración neza ra nabézabe lu jw.org. Bidii clic ra ná TU LAADU de racá ra ná «Dxi rietenaláʼdxinu guendaguti stiʼ Cristu».

¿Xiruʼ zanda gúniluʼ para chuʼluʼ listu?