Racalaʼdxiʼ Jehová, «Dios ni nayecheʼ», chuʼnu nayecheʼ ora guni predicarnu (1Ti 1:11). Ne ziuʼnu nayecheʼ ora guyúbinu guni predicarnu jma jneza. Pa gúninu pregunta zucaani binni gucaadiaga laanu ne zacaneni laanu guzulú guinínenu binni. Laaca racaneni guiníʼ ique binni ne chuʼ razón (Mt 22:41-45). Pa gúninu pregunta ne gucaadiaga chaahuinu ni guicábicabe laanu la? casi xa ñaca ñábinu binni ca rizaaláʼdxinu laa (Snt 1:19). Ni guicabi binni laanu zacaneni gánnanu xiruʼ gábinu laa.

DESPUÉ DE GÚʼYALUʼ VIDEU NI LÁʼ ZIUʼNU NAYECHEʼ RA GÚNINU DISCÍPULO. GUSÍʼDINU JMA JNEZA: IQUIIÑENU CA PREGUNTA CA JNEZA , ZANDA GUICÁBILUʼ CA PREGUNTA RIʼ:

• ¿Xi cualidad napa Coral?

• ¿Xi biʼniʼ Rita para gusihuinni rizaalaʼdxiʼ Coral?

• ¿Xi gunabadiidxaʼ Rita Coral para chuulaʼdxiʼ guiziidiʼ jma de ca noticia galán stiʼ Reinu?

• ¿Xi gunabadiidxaʼ Rita Coral para gucanebe laa guiníʼ ique?