Racalaʼdxiʼ Jehová gúninu ni ná purtiʼ nadxiinu laa (Mt 22:37, 38). Pa nadxii estudiante stinu Jehová, zacané ni laa guchaa modo nabani ne gudxiilú ca prueba ni gapa ne zucaa ni laa chúʼnisa (1Jn 5:3).

Gucané ca estudiante stiluʼ guiénecaʼ nadxii Jehová laacaʼ. Gunabadiidxaʼ laacabe «¿Xi rusiidiʼ ndiʼ lii de Dios?» o «¿Ximodo rusihuinni ndiʼ nadxii Jehová lii?». Gucané laacabe gudiicabe cuenta ximodo cayacané Jehová laacabe lu xquendanabánicabe (2Cr 16:9). Gudxi ca estudiante stiluʼ ximodo huacabi Jehová ca oración stiluʼ ne guluu gana laacaʼ gúʼyacaʼ xi runi Dios para guicabi ca oración sticaʼ. ¡Guizáʼ ziécheluʼ ora gúʼyaluʼ xhamigu Jehová ca estudiante stiluʼ ne nadxiisaacaʼ!

DESPUÉ DE GÚʼYALUʼ VIDEU NI LÁʼ GACANENU CA ESTUDIANTE STINU GACA XHAMÍGUCAʼ JEHOVÁ, ZANDA GUICÁBILUʼ CA PREGUNTA RIʼ:

• ¿Xi guendanagana bidxaagalú Coral?

• ¿Xi biʼniʼ Rita para gucané laabe?

• ¿Xi biʼniʼ Coral para bidxiilú guendanagana stiʼ?