CA TESORO ZEEDA LU BIBLIA | SALMOS 11-18
Tu laa zanda cueza ndaaniʼ tienda stiʼ Jiobá
Cueza binni ndaaniʼ tienda stiʼ Jiobá nga gaca xhamigu laabe, gapa confianza laabe ne guzuubaʼ stiidxabe. Salmo 15 ruzeeteʼ xi ribeza Jiobá de ti xhamigu.
NI CUEZA NDAANIʼ TIENDA STIʼ JIOBÁ NAQUIIÑEʼ...
-
... guni ni jneza lu guiráʼ cosa.
-
... guiníʼ ni dxandíʼ de ndaaniʼ ladxidóʼ.
-
... gapa respetu xcaadxi xpinni Jiobá.
-
... guni ni maʼ guníʼ, neca gaca ni nagana para laa.
-
... gudii naʼ cani caquiiñeʼ gacanécabe sin cueza quíxecabe ni laa.
NI CUEZA NDAANIʼ TIENDA STIʼ JIOBÁ CADI NAQUIIÑEʼ...
-
... guiníʼ mal de stobi maca para guniná o gucheeche chisme.
-
... guni tratar xcaadxi binni mal.
-
... gaca aprovechar de ca hermanu stiʼ.
-
... gaca xhamigu cani qué runibiáʼ Jiobá o cani qué runi ni nabe.
-
... ugádxecabe lu naʼ.
