Aplicación JW Library nga ti programa ni zanda gapa binni sin quixe, luni zanda guindeteʼ binni Biblia ne xcaadxi publicación, ne laaca zanda guindétecabe videu ne audio lu teléfono, tableta o computadora stícabe.

XIMODO GÁPALUʼ NI: Guca conectar lu Internet, guyuu lu tienda ra nuu ca aplicación ca ne gundeteʼ JW Library ne biʼniʼ instalar ni. Nuu aplicación riʼ para gadxé gadxé dispositivo. Ora maʼ guca conectarluʼ lu Internet, bixheleʼ aplicación ca ne gulí ni racaláʼdxiluʼ guindételuʼ lu aparatu stiluʼ. Pa qué gapuʼ Internet la? guca conectar ra Yoo stiʼ Reinu, ra biblioteca nuu xquídxiluʼ o ra tiica gapuʼ Internet. Ora maʼ gundételuʼ ca publicación ni racaláʼdxiluʼ, maʼ qué zaquiiñeluʼ Internet para guxhéleluʼ cani. Cumu gatigá zaguucabe xcaadxi modo guni aplicación riʼ dxiiñaʼ la? napa xidé guindételuʼ ca últimu actualización stini ora maʼ nuu.

XIÑEE NAQUIIÑEʼ GÁPALUʼ NI: Nabé zacané JW Library lii ora gúʼndaluʼ stúbiluʼ ne ora cheluʼ reunión. Laaca zanda iquiiñeluʼ ni para gucheecheluʼ diidxaʼ, ne jmaruʼ si ora guiníʼneluʼ binni de stiidxaʼ Dios ra tiica nuuluʼ.