Para chuʼ ti familia tobi si, naquiiñeʼ gannaxhiicaʼ. Purtiʼ pa coʼ la? zaca nagana para laacabe chúʼcabe tobi si. ¿Ximodo zanda gusihuinni ti hombre ne ti gunaa ni maʼ bichaganáʼ ne ca ni napa xiiñiʼ, nadxiicaʼ familia sticaʼ yaʼ?

Ti hombre ni nadxii xheelaʼ, rizaalaʼdxiʼ ni caquiiñeʼ ne ni cayuni sentir xheelaʼ ne rucaadiaga laabe (Ef 5:28, 29). Zudiibe ni caquiiñeʼ familia stibe ne zacanebe laacaʼ chuʼcaʼ jma gaxha de Jehová ra guninebe laacaʼ adoración en familia (1Ti 5:8). Ti gunaa ni nadxii xheelaʼ zuzuubaʼ stiidxabe ne zapa «stale respetu» laabe (Ef 5:22, 33; 1Pe 3:1-6). Naquiiñeʼ chuʼ ca ni maʼ bichaganáʼ dispuestu guni perdonarsaacaʼ (Ef 4:32). Ca padre ni nadxii xiiñiʼ, rápacaʼ ne rusiidicaʼ xiiñicaʼ gannaxhiicaʼ Jehová (Dt 6:6, 7; Ef 6:4). ¿Xi guendanagana rapa ca xiiñitu ra scuela? ¿Xi rúnicabe ora rucaa ca compañeru stícabe laacabe gúnicabe xiixa cosa ni cadi jneza? Ora nadxiisaa ti familia ribánicaʼ nayecheʼ.

DESPUÉ DE GÚʼYALUʼ VIDEU NI LÁʼ GUSIHUÍNNINU GUENDARANNAXHII NDAANIʼ FAMILIA STINU, ZANDA GUICÁBILUʼ CA PREGUNTA RIʼ:

• ¿Ximodo rapa ti hombre xheelaʼ?

• ¿Ximodo rusihuinni ti gunaa runi respetar xheelaʼ?

• ¿Xi runi ca padre para gusiidicaʼ ca xiiñicaʼ de Dios?