Ora gúninu revisita o gudiʼnu estudiu, naquiiñeʼ gacanenu binni guiene ca cosa ni jma risaca ni nuunu gusíʼdinu laacaʼ. Zindanu ndaaniʼ ladxidóʼcabe pa iquiiñenu ejemplu ne zacaneni laacabe guietenaláʼdxicabe ni caziidicabe.

Ora maʼ cayaca prepararluʼ para chigúniluʼ ti revisita o ti estudiu, gulí ca cosa ni jma risaca nuuluʼ gusiidiluʼ binni ca. De racá guníʼ ique xi ejemplu ni jma runibiaʼbe iquiiñeluʼ (Mt 5:14-16; Mr 2:21; Lu 14:7-11). Cadi guiaandaʼ lii xi maʼ nanna binni ca de lu Biblia ne ximodo nabánibe (Lu 5:2-11; Jn 4:7-15). Guizáʼ ziécheluʼ ora gúʼyaluʼ cayuulaʼdxiʼ binni ca ni caziidiʼ de lu Biblia.

DESPUÉ DE GÚʼYALUʼ VIDEU NI LÁʼ ZIUʼNU NAYECHEʼ RA GÚNINU DISCÍPULO. GUSÍʼDINU JMA JNEZA: IQUIIÑENU EJEMPLU ORA MAʼ CUSÍʼDINU, ZANDA GUICÁBILUʼ CA PREGUNTA RIʼ:

• ¿Xiñee caquiiñeʼ gacanenu binni guiene ca textu ni zeeda lu Biblia?

• ¿Xi ejemplu biquiiñeʼ Rita para bisiene ni zeeda lu Romanos 5:12?

• Pa iquiiñenu ejemplu ni runibiáʼ binni, ¿ximodo zacaneni laacabe?

• ¿Xiñee risaca iquiiñenu ca videu ne ca herramienta ni rudii xquidxi Jehová laanu?