Ora runadiáganu diidxaʼ disciplina riníʼ íquenu castigu, peru ora runi disciplinárcabe laanu racaneni laanu para guizíʼdinu. Runi disciplinar Jehová laanu para guni adorarnu laa modo riuulaʼdxiʼ (Ro 12:1; Heb 12:10, 11). Zándaca chuʼnu triste ora guni disciplinárcabe laanu. Peru, pa guicaanu ni la? zácanu binni runi ni jneza ne zaguu Dios ndaayaʼ laanu (Pr 10:7). ¿Xi naquiiñeʼ ganna binni ni runi disciplinar ne binni ni ricaa disciplina yaʼ?

Binni ni runi disciplinar. Runi ca ancianu, ca binni ni napa xiiñiʼ ne xcaadxi binni stipa guni disciplinarcaʼ né guendarannaxhii cásica runi Jehová ni (Jer 46:28). Neca nadipaʼ disciplina gudiicabe tuuxa pur ni biʼniʼ, naquiiñeʼ gúnicabe ni né guendarannaxhii (Tit 1:13).

Binni ni ricaa disciplina. Cadi guidxiichinu ora guni disciplinárcabe laanu, sínuque naquiiñeʼ chinándanu ca conseju gudiicabe laanu (Pr 3:11, 12). Cumu binni ruchee laanu la? ziuu ora zuni disciplinárcabe laanu. Runi disciplinar Jehová laanu ora ridúʼndanu Biblia ne ni runadiáganu lu reunión. Ne nuu biaje naquiiñeʼ guni disciplinar ti comité judicial laanu. Pa gudiʼnu lugar guni disciplinárcabe laanu ne guchaʼnu la? zacaanu guendanabani ni qué zaluxe (Pr 10:17).

DESPUÉ DE GÚʼYALUʼ VIDEU NI LÁʼ JIOBÁ RIGUU JNEZA CANI NADXII, ZANDA GUICÁBILUʼ CA PREGUNTA RIʼ:

• ¿Ximodo biniisi Canon, ne xi bizaacabe despué?

• ¿Ximodo biʼniʼ disciplinar Jehová laabe?

• ¿Xi rusiidiʼ historia stiʼ Canon laanu?