Ra jma mayaca guiluxe ca «últimu dxi», nánnanu jma zadxaagalunu guendanagana (2Ti 3:1; nwtsty nota de estudiu para Mt 24:8). Gatigá ricaa xquidxi Jehová instrucción ni zanda gulá xquendanabánicaʼ ora guizaaca ti desastre. Pa guzúʼbanu diidxaʼ ne chuʼnu listu dede ca yanna, zanda guilanu ora guizaaca ti desastre (Lu 16:10).

• Chuʼnu gaxha de Jehová. Biindaʼ Biblia guiráʼ dxi ne gupa estudiu personal. Biʼniʼ stipa guni predicarluʼ de gadxé gadxé modo. Cadi guidxíbiluʼ pa málasi qué ganda chuʼluʼ gaxha de ca hermanu (Is 30:15). Cadi guiaandaʼ lii, qué zusaana Jehová ne Jesús lii (od-S yaza 175, 176 párr. 15-17).

• Cuʼnu listu ca cosa stinu. Naquiiñeʼ gapa ca familia mochila de emergencia, peru laaca naquiiñeʼ cuʼ chaahuicaʼ guendaró, nisa, medicina ne xcaadxi cosa ni zaquiiñecaʼ pa málasi caquiiñeʼ guiaanacaʼ ra lídxicaʼ xadxí (Pr 22:3; g17.5-S yaza 4, 6).

DESPUÉ DE GÚʼYALUʼ VIDEU NI LÁʼ ¿XIMODO CHUʼNU LISTU ANTE GUIZAACA XIIXA DESASTRE NATURAL?, ZANDA GUICÁBILUʼ CA PREGUNTA RIʼ:

• ¿Ximodo zanda chuʼnu gaxha de Jehová ante guizaaca ti desastre?

• ¿Xiñee nabé risaca...

  • ... siempre guinínenu ca ancianu?

  • ... gápanu ti mochila de emergencia?

  • ... guininu xi desastre zándaca guizaaca neza ra nabézanu ne xi zanda gúninu pa málasi guizaaca xiixa?

• ¿Xi chonna modo zanda gacanenu xcaadxi?

GUNÍʼ IQUE NDIʼ: «¿Ximodo gucané pandemia stiʼ COVID-19 naa chuaaʼ listu dede ante?».