Pa guininu né entusiasmo o né gana la? zándaca chuulaʼdxiʼ binni gucaadiaga ni gábinu laa. Ora runi predicarnu né stale gana, rusihuínninu rusisácanu mensaje ni zinenu. Guiranu zanda guininu né stale gana, gastiʼ naca xi cultura laanu o modo biniisinu (Ro 12:11). ¿Ximodo zanda gúninu ni yaʼ?

Primé, guníʼ ique pabiáʼ risaca mensaje zineluʼ. Cadi guiaandaʼ lii, ti privilegiu nga guiniʼluʼ «ca noticia galán de ca cosa sicarú» (Ro 10:15). Guiropa, guníʼ ique ximodo racané ca noticia galán ca binni ni rucaadiaga ni. Caquiiñeʼ gunadiaga binni mensaje stiʼ Dios (Ro 10:13, 14). Últimu la? modo guzuhuaaluʼ, ca ademán gúniluʼ ne modo guniibi luluʼ, zusihuinni cani dxandíʼ caniʼluʼ de guidubi ladxidoʼloʼ.

DESPUÉ DE GÚʼYALUʼ VIDEU NI LÁʼ ZIUʼNU NAYECHEʼ RA GÚNINU DISCÍPULO. GUSÍʼDINU JMA JNEZA: GUSÍʼDINU NÉ ENTUSIASMO, ZANDA GUICÁBILUʼ CA PREGUNTA RIʼ:

• ¿Xiñee biree Rita gana gudii estudiu Coral?

• ¿Xi gucané Rita para gusiidiʼ né stale gana sti biaje?

• ¿Xiñee caquiiñeʼ guidúʼyanu ca cosa galán ni runi ca binni ni rucaadiaga laanu?

• Ora rusíʼdinu né stale gana, ¿ximodo racaneni ca estudiante stinu ne ca binni ni rucaadiaga laanu?