Cumu binni ruchee laanu la? guiráʼ dxi naquiiñeʼ guni controlarnu ca deseu stinu. Pa qué gúninu ni la? zándaca zuxheleʼ ni laanu de Jehová. Nuu tu laa de tantu ricá ique gapa lidxi, ni gó ne lari ni gacuʼ rixeleʼ de Jehová. Ne nuu xcaadxi rucheené ca regla stiʼ Jehová pur guni cumplir ca deseu sexual stiʼ (Ro 1:26, 27). Ne nuu tu laa rinanda ni runi xcaadxi ti gaca xhamígucabe laa (Éx 23:2).

¿Ximodo zanda guni controlarnu ca deseu ni gápanu? Naquiiñeʼ gúninu stipa gúninu xhiiñaʼ Jehová primé lu xquendanabáninu (Mt 4:4). Laaca zanda guinábanu Jehová gacané laanu guni controlarnu ca deseu ni gápanu. ¿Xiñee yaʼ? Purtiʼ laabe nánnabe xii nga ni jma galán para laanu ne zacanebe laanu gápanu ni caquiiñenu (Sl 145:16).

DESPUÉ DE GÚʼYALUʼ VIDEU NI LÁʼ CADI GUNÍTILUʼ XPÍDALUʼ PUR NI RUNI XCAADXI, ZANDA GUICÁBILUʼ CA PREGUNTA RIʼ:

• ¿Xiñee nuu binni riguʼbaʼ gueza?

• ¿Xi zándaca guizaacanu pa cúbanu gueza?

• ¿Xiñee cadi jneza cuba binni gueza o iquiiñeʼ xiixa aparatu para guni ni? (2Co 7:1).

• ¿Xi zanda gúniluʼ para gusaanaluʼ viciu ca?