Binidxabaʼ ne ca ni runi ni ná, ruchaacabe ni dxandíʼ para guirá fe stinu (2Co 11:3). Casi peʼ biʼniʼ ca Asiriu qué niniʼcaʼ guiráʼ ni dxandíʼ ne bisiguiicaʼ para nibeecaʼ gana xquidxi Jehová (2Cr 32:10-15). Zaqueca runi ca apóstata. Riree venenu ndaaniʼ ruaacabe, nga runi cadi gucaadiáganu guiráʼ ni riníʼcabe. Qué chuʼ dxi guidúʼndanu ne guicábinu ca comentariu stícabe ne cadi guininu de laacani. Biziidiʼ gudiiluʼ cuenta xi idea riquiiñecabe para guxhélecabe lii de Jehová ne organización stiʼ ne bicaanáʼ ca ni (Jud 3, 4).

DESPUÉ DE GÚʼYALUʼ VIDEU NI LÁʼ LAGUDXIILÚ «NÉ GUIRÁʼ STIPA STITU TI CADI GUIRÁ FE NI NÁPATU» (FRAGMENTU), ZANDA GUICÁBILUʼ CA PREGUNTA RIʼ:

• ¿Xiñee naquiiñeʼ chuʼnu cuidadu ora iquíʼñenu ca sitiu ne ca foro de internet?

  Bicaa respuesta stiluʼ

• ¿Ximodo zanda chinándanu conseju ni zeeda lu Romanos 16:17?

  Bicaa respuesta stiluʼ