¿Xii nga audio stiʼ Biblia? Laani nga grabación stiʼ Traducción del Nuevo Mundo ni guca revisar ne chaahuiʼ chaahuiʼ caree ni lu stale idioma. Ti cosa nabéʼ galán ni bíʼnicabe nga gulícabe gadxé gadxé binni para gudii voz ca personaje zeeda lu Biblia. Ne para guiene chaahuinu mensaje stini, biyúbicabe modo gúʼndacabe ni jneza ne cúʼcabe sentimientu luni.

¿Xi zabeenduluʼ ora gucaadiágaluʼ audio stiʼ Biblia? Stale tu rucaadiaga audio stiʼ Biblia racané ni laacaʼ guni sentircaʼ nuucaʼ ra cazaaca relatu ca. Ra gunadiágacaʼ voz stiʼ cada personaje, ruxuíʼlucaʼ nuucaʼ raqué ne jma riénecaʼ relatu que (Pr 4:5). Ne xcaadxi nacaʼ racané ca grabación riʼ laacaʼ gatadxí ladxidoʼcaʼ ora nuucaʼ xizaa (Sl 94:19).

Ora gucaadiágaluʼ Stiidxaʼ Dios lu audio, zacané ni lii lu xquendanabániluʼ (2Cr 34:19-21). ¿Ñee nuu ti ndaa o guidubi audio stiʼ Biblia lu xiixa idioma ni riéneluʼ la? ¿Xiñee que quixhe íqueluʼ gápaluʼ costumbre iquiiñeluʼ ne gucaadíagaluʼ audio stiʼ Biblia?

DESPUÉ DE GÚʼYALUʼ VIDEU NI LÁʼ AUDIO STIʼ BIBLIA: DXIIÑAʼ NI GUCA PARA GUCA GRABAR NI (FRAGMENTU), ZANDA GUICÁBILUʼ PREGUNTA RIʼ:

¿Xi jma riuuláʼdxiluʼ de modo guca grabar audio stiʼ Biblia?