6-12 de mayo
SALMOS 36, 37
Canción 87 ne oración | Ca diidxaʼ guzuluné ni (1 min.)
1. «Cadi guidxiichiluʼ pur ni runi ca binni malu»
(10 min.)
Nabé runiná ca binni malu laanu ne rusiuubacaʼ ladxidoʼno (Sl 36:1-4; w17.04 yaza 10 párr. 4).
Zacananu pa guidaʼnu xiana «pur ni runi ca binni malu» (Sl 37:1, 7, 8; w22.06 yaza 10 párr. 10).
Ratadxí ladxidoʼno ora rápanu confianza ca promesa stiʼ Jehová (Sl 37:10, 11; w03-S 1/12 yaza 13 párr. 20).
GUNÍʼ IQUE NDIʼ: «¿Ñee puru si ni cayuni ca binni malu maʼ cayuuyaʼ la?».
2. Guyúbinu ca perla ni gaʼchiʼ
(10 min.)
-
Sl 36:6. Bizeeteʼ salmista riʼ naca justicia stiʼ Jehová «casi dani naroʼbaʼ». ¿Xii nga nuube guiniʼbe ora bizeetebe ca diidxaʼ ca? (it-2-S yaza 424).
-
¿Xi perla espiritual bidxélaluʼ biaʼ ra biuundaʼ Biblia semana riʼ?
3. Ra guiuundaʼ Biblia
(4 min.) Jn 1:1-18 (th lección 10).
4. Bizulú guniʼné binni
(3 min.) DE YOO PUR YOO. (lmd lección 1 punto 5).
5. Biʼniʼ revisita
(4 min.) PREDICACIÓN INFORMAL. Biʼniʼ ofrecer estudiu ti binni ni qué niná ñuni estudiarné ca Testigu dxiqué (lmd lección 9 punto 4).
6. Discursu
(5 min.) ijwbv 45. Título: ¿Xi riníʼ ni riete lu Salmo 37:4? (th lección 13).
Canción 33
7. ¿Ñee maʼ nuuluʼ listu para ora tídiluʼ «lu guendanagana» la?
(15 min.) Zanda guicabi ca ni cucaadiaga.
Lu guidubi naca guidxilayú, nuu hermanu maʼ biniti ca cosa stiʼ ne maʼ guti tuuxa ni nadxiicaʼ lu ti desastre natural o pur xiixa cosa malu ni biʼniʼ binni (Sl 9:9, 10). Ni dxandíʼ nga zedandá ora guiranu zadídinu «lu guendanagana». Nga runi nabé risaca chuʼnu listu dede ante.
Neca maʼ nápaluʼ guiráʼ cosa ni zaquiiñeluʼ, a ¿xiruʼ zanda gúniluʼ para chuʼluʼ listu ante guizaaca ti desastre natural yaʼ?
-
Guníʼ ique xi zanda guizaaca. Primé cosa ni naquiiñeʼ gánnaluʼ nga dxandíʼ raca ca desastre natural ca. Dede ante guníʼ ique xi zanda gúniluʼ pa guizaaca tobi neza ra nabézaluʼ. Biʼniʼ stipa cadi guiaaluʼ ca cosa risaca ni nápaluʼ, nga zacané lii guicaaluʼ decisión jneza ne qué zaca nagana para lii gusaanaluʼ ca ni para ganda guilaluʼ ne guilá xcaadxi (Gé 19:16; Sl 36:9). Ne ora maʼ gudiʼdiʼ desastre ca, qué zacaná peʼ ladxidoʼloʼ pur ca cosa ni binítiluʼ (Sl 37:19).
-
Biyubi chuʼluʼ jma gaxha de Jehová. Biyubi chuʼluʼ seguru zanda gapa Jehová lii ne gunna racaláʼdxibe gúnibe ni (Sl 37:18). Galán gúniluʼ cadi gusiaandaluʼ racané ne rabi Jehová ca xpinni xi gúnicaʼ, neca guníticaʼ guiráʼ ni nápacaʼ (Sl 37:23, 24; Jer 45:5).
Ora riníʼ íquenu ca promesa stiʼ Jehová, reeda gácabe ti lugar ra zanda guilanu ora tídinu lu guendanagana (Sl 37:39).
Bitiidiʼ VIDEU ni láʼ ¿Ñee nuuluʼ listu para ora guizaaca xiixa emergencia la? Despué gunabadiidxaʼ ca ni cucaadiaga:
-
¿Ximodo racané Jehová laanu ora guizaaca xiixa emergencia?
-
¿Xi naquiiñeʼ gúninu para chuʼnu listu?
-
¿Ximodo zanda gacanenu ca ni bininá ti desastre?
8. Reunión ra riuundaʼ Biblia
(30 min.) bt cap. 9 párr. 8-16.
Ca diidxaʼ guiluxené ni (3 min.) |
a Biiyaʼ revista ¡Despertad! núm. 5 2017, yaza 4-6.
