Racaláʼdxinu chiguzeʼnu biidxihuiiniʼ bidxíʼbanu (1Co 3:6). Pa guidxélanu tuuxa ni chuulaʼdxiʼ ca diidxaʼ zinenu ra nuu, galán gusaananu ti guendarinabadiidxaʼ ni guiníʼ íquebe ne ni guicábinu ora chigánnanu laabe sti biaje. Ra gúninu zacá, zucaa ni binni cueza laanu ne zánnanu xi guinínenu laa. Ora guibiguétanu zanda gábinu laabe zeeda guicábinu guendarinabadiidxaʼ bíninu que.

• Ora maʼ caguíxheluʼ xi guiniʼluʼ para cheluʼ de yoo pur yoo, guníʼ ique xi pregunta gúniluʼ para guicábiluʼ ora chigánnaluʼ binni sti biaje. Gulí ti tema zeeda lu publicación chigusaanuʼ. Laaca zanda guʼnuʼ ti pregunta zeeda lu ca publicación riquiiñenu para gudiʼnu estudiu binni ne biluíʼ publicación ca laabe sti biaje cheluʼ ra nuube.

• Ora guiluxe guiníʼneluʼ ti binni bicaadiaga lii, gudxi laabe ñuuláʼdxiluʼ ñuíʼneluʼ laabe diidxaʼ sti dxi ne biʼniʼ ti pregunta ni guicábiluʼ ora chigánnaluʼ laabe sti biaje. Ne pa nabe la? gunabaʼ laabe ca datu stibe.

• Galán chigánnaluʼ binni hora biaanatu (Mt 5:37).