Libru ni láʼ What Can the Bible Teach Us? (caʼruʼ chuʼ ni lu diidxastiá) ruluíʼ ni libru Xipeʼ. Guiropaʼ libru riʼ rusiene cani ni dxandíʼ rusiidiʼ Biblia ne tobi si modo nexheʼ chaahuiʼ ca tema stiʼ cani. Peru libru cubi riʼ, caquiiñeʼ ni chupa chonna si diidxaʼ para gusiene ni xiixa idea ne cadi nagana diʼ modo rusiene ni. Guca ni para ca binni ni huaxiéʼ randa riene libru Xipeʼ. Ne lugar de ñedané ni ti apéndice ra riluxe ni la? né ni caadxi nota ni cadi nagana modo cusiene caadxi diidxaʼ ne idea ni zeeda lu cada capítulo. Guiráʼ capítulo stini cadi né diʼ pregunta ra ruzulú ne laaca cadi né diʼ cani cuadru ra zeeda repasu. Lugar de nga, nécani caadxi resumen stiʼ cani dxandíʼ rusiidiʼ Biblia ni zeeda lu ca párrafo stini. Ne cásica libru Xipeʼ, zanda gusaananenu libru riʼ binni ora tiisi, neca gadxé publicación cusaananu beeu ca. Ximodo zanda iquiiñenu guiráʼ ni né libru ni biree lu lenguaje sencillo riʼ para gusíʼdinu binni de Biblia yaʼ.

RESUMEN: Stale de ca binni ni maca ridúʼndanenu libru Xipeʼ, zadúʼndanenu laacaʼ modo maca rúninu ni; ziuundaʼ ca párrafo stiʼ libru riʼ ne zanabadiidxanu laacaʼ. Yanna, xi guni ti publicador pa cudii ti estudiu lu ti idioma ni huaxiéʼ riene binni ca o qué ganna binni riʼ guʼndaʼ yaʼ. Zanda iquiiñeʼ publicador riʼ libru Xipeʼ ni biree lu lenguaje sencillo para gusiidiʼ laabe. Ne zanda iquiiñebe resumen stiʼ cada capítulo para guni estudiárnebe binni ca ne cuʼbe gana laa guʼndaʼ ni zeeda lu cada capítulo. Zanda iquiiñenu biaʼ quince minutu si para gusiénenu tobi de cani dxandíʼ rusiidiʼ Biblia. Lu ca resumen stini huaxiéʼ diidxaʼ riquiiñecabe para gusiénecabe xiixa, ne lu ca capítulo stini riquiiñecabe jma stale diidxaʼ. Nga runi, dede ante naquiiñeʼ guni preparar publicador ca ni chiguundané estudiante stiʼ ne guʼyaʼ pabiáʼ zanda guiénebe. Ne pa ruundacabe ca párrafo ni zeeda lu cada capítulo la? zanda iquiiñeʼ publicador ca resumen stini para guni ti repasu.

NOTA CÁ RA BILUXE TEMA: Ca diidxaʼ ne ca idea ni zeeda lu ca nota stini nexheʼ chaahuiʼ cani casi zeeda ca tema stiʼ libru riʼ. Ne maʼ publicador ca quixheʼ pa zusiene binni ca nota stini ora maʼ cayuni estudiarné laacabe libru riʼ.