Ti gunaa ni maʼ bichaganáʼ ne nuu xpiaaniʼ la? racané para gapa binni respetu xheelaʼ. Ca dxi bibani rey Lemuel, ti hombre ni nuu xpiaaniʼ xheelaʼ, nabé binibiáʼ binni laa purtiʼ ribí ra nuu ca puertaʼ stiʼ guidxi (Pr 31:23). Ca dxi riʼ, laaca nabé runi respetárcabe ca ancianu ne ca siervu ministerial. Pa maʼ bichaganácabe la? ti cosa ni nabé zacané para cadi gusaanacabe privilegiu stícabe nga gaca xpiaʼ xheelabe galán ne gacané laacabe (1Ti 3:4, 11). Ca hermana ni guni zacá la? nabé rannaxhiicabe laacaʼ, cásica xheelacaʼ zaqueca ca hermanu ni nuu ndaaniʼ congregación.

• Rábibe laa diidxaʼ ni cuʼ gana laa (Pr 31:26).

• Riénebe naquiiñeʼ guicaa xheelabe tiempu para guni tender dxiiñaʼ ni napa ndaaniʼ congregación (1Te 2:7, 8).

• Qué riquiiñebe cosa risaca para guibaninécabe (1Ti 6:8).

• Qué rinabadiidxabe xiixa ni cadi naquiiñeʼ gánnabe (1Ti 2:11, 12; 1Pe 4:15).