MODO RÚNINU XHIIÑAʼ DIOS
Nuunu nayecheʼ neca canazanándacabe laanu
Laanu ca xpinni Cristu nánnanu zazanándacabe laanu (Jn 15:20). Neca runinácabe laanu ne riuʼnu xizaa, peru ora qué ruchéʼnenu Jehová la? riuʼnu nayecheʼ (Mt 5:10-12; 1Pe 2:19, 20).
DESPUÉ DE GÚʼYALUʼ VIDEU NI LÁʼ ZANDA CHUʼNU NAYECHEʼ NECA... SANÁNDACABE LAANU, ZANDA GUICÁBILUʼ PREGUNTA RIʼ:
¿Ximodo racané experiencia stiʼ hermanu Bayénov laanu gánnanu pabiáʼ risaca gúninu ca ni chiguzéʼtenu riʼ?
-
Guidúʼndanu Biblia guiráʼ dxi.
-
Gacané ca hermanu laanu. a
-
Guni orarnu stale biaje.
-
Guidúʼndanu ca canción stiʼ Reinu.
-
Guinínenu xcaadxi de ca ni runi crenu.
a Galán guni orarnu pur ca hermanu ni deguyoo, ne pa zanda la? guzéʼtenu lácabe lu ca oración stinu. Peru caquiiñeʼ gánnanu qué zanda diʼ guseendaʼ sucursal carta stiʼ ca publicador ra nuu ca hermanu ni deguyoo.
