Jesús guníʼ pa gudiʼnu de ni nápanu la? laaca zuni xcaadxi ni (Lu 6:38). Ora nápanu costumbre gudiʼnu de ni nápanu ne gacanenu xcaadxi la? rucaani ca hermanu stinu gúnicaʼ zaqueca.

Laaca cusisácanu Jehová nga ora gudiʼnu ni nápanu de guidubi ladxidoʼno. Ruuyaʼ Jehová stipa runi ca hermanu ni racané xcaadxi ni cadiʼdiʼ necesidad ne riguube ndaayaʼ laacaʼ (Pr 19:17).

DESPUÉ DE GÚʼYALUʼ VIDEU NI LÁʼ XQUIXE PEʼ LAATU PUR NÁPATU COSTUMBRE DE GUDIITU, ZANDA GUICÁBILUʼ CA PREGUNTA RIʼ:

• ¿Ximodo riquiiñeʼ ca donación ni rudiʼnu para gacanenu ca hermanu ni napa necesidad?

• Neca nápanu stale o huaxiéʼ, ¿xiñee naquiiñeʼ gápanu costumbre de gudiʼnu? (Biindaʼ tema ni láʼ «Ca ni jma napa racanecaʼ ca ni jma huaxiéʼ napa» lu jw.org).