MODO RÚNINU XHIIÑAʼ DIOS
Xi cayuneʼ para guiníʼ binni galán de ca testigu stiʼ Jehová
Nabé rundaachiʼ binni ni rúninu, laanu ca testigu stiʼ Jehová (1Co 4:9). Nga runi, galán guiníʼ íquenu: «¿Ñee rusisacaʼ Jehová pur ni rinieeʼ ne ni runeʼ la?» (1Pe 2:12). Maʼ xadxí nga de runibiáʼ binni ca testigu stiʼ Jehová casi binni ni nabani jneza. Nga runi, qué racaláʼdxinu gúninu xiixa ni gucaa binni guiníʼ mal de laanu (Ec 10:1).
Bicaa xi zanda guni ti xpinni Cristu pa nizaaca tobi de ca cosa riʼ ne bicaa ti principiu stiʼ Biblia ni ñacané laabe:
-
Pa nabé feu ca diidxaʼ ni ñabi tuuxa laabe.
-
Pa nayuxe rihuinni xhábabe, carru stibe ne lídxibe.
-
Pa nuu ti ley ra nabézabe ne riníʼ íquebe cadi jneza ni o nagana para gúnibe ni nani.
Guidúʼyanu xi runi ca investigador ni nuu lu Departamento de Redacción para guníʼ binni ni galán de xquidxi Jehová.
DESPUÉ GÚʼYALUʼ VIDEU NI LÁʼ RUNI RESPETARNU NI DXANDÍʼ NE RUSISÁCANU NI, ZANDA GUICÁBILUʼ PREGUNTA RIʼ:
¿Xii nga ni jma ridxagayaaluʼ ora gúʼyaluʼ guiráʼ ni raca para guiree información biaʼsi lu ca publicación stinu?
