Xiñee risaca gapa binni guendabiaaniʼ stiʼ Dios. Purtiʼ rapa ni laacaʼ para cadi checaʼ lu ti neza ra zucheecaʼ ne rapa ni xquendanabánicaʼ. Laaca racané ni binni gaca xpiaʼ galán, guiníʼ diidxaʼ ni guiaba binni ne guni ni jneza.

16:18, 19

• Ti binni nuu xpiaaniʼ nanna Jiobá nga rudii guiráʼ naca guendabiaaniʼ.

• Ca binni ni careendú dxiiñaʼ ni cayúnicaʼ o cani napa xiixa privilegiu naquiiñeʼ chuʼcaʼ cuidadu para cadi guchacaʼ bi yánnicaʼ ne cadi gudxiibacaʼ laacaʼ.

16:21-24

• Ti binni nuu xpiaaniʼ ruuyaʼ chaahuiʼ xi zabeendú ante guiníʼ xiixa o ante guni xiixa, ruuyaʼ ca cosa galán si ni runi binni ne riníʼ ni galán de laacabe.

• Ti binni nuu xpiaaniʼ cadi naguidxi ladxidóʼ ne qué runiná stobi pur ni riníʼ, sínuque riníʼ diidxaʼ naxhi ne rucuudxi binni pur modo riníʼ.